މޭވާތަކުގެ ތެރެއިން ހިމެނޭ ޑްރެގަން ފުރުޓަކީވެސް ހަށިގަނަޑަށް ވަރަށް ގިނަ ފައިދާތަކެއް ލިއްބައިދޭ މޭވާއެކެވެ.ޑްރެގަން ފުރުޓަކީ މިހާރަކަށް އައިސް ދިވެހިންގެ ތެރޭގައި މަސްހޫރުވަމުން އަންނަ މޭވާއެއްކަންވެސް ފާހަގަކޮށްލާނަމެވެ.މީގެ ސަބަބަކަށް މީގޭން ލިބޭ ފައިދާތައް ދިވެހިންނަށް އެނގެނީ ކަމަށްވެސް ވެދާނެއެވެ.
ޑްރެގަން ފުރުޓަކީ ޕްރޮޓީންއާއި ކާބޮހައިޑްރޭޓާއި ފައިބަރާއި މެގްނީޒިއަމް އާއި އަޔަނާއި ވިޓަމިނުން މުއްސަނދިވެފައިވާ މޭވާއެކެވެ.ޑްރެގަން ފުރުޓަކީ ސެލެޑާއި ތަފާތު ބުއިންތައްވެސް ތައްޔާރުކޮށްލެވޭ އެއްޗެކެވެ.
އެކި ކަހަލަ އާއްމު ބަލިތަކުން ރައްކާތެރިވުމަށް މި މޭވާއަކީ ކާން އެންމެ ރަގަނޅު އެއް މޭވާއެވެ. މި މޭވާއަކީ ހަށގަނޑުގެ ސެލްތައް ހަލާކުވުމުންނާއި ކެންސަރާއި ހިތުގެ ބަލިތަކާއި ހަކުރު ބައްޔާއި އާތުރައިޓްސް ފަދަ ބޮޑެތި ކަންކަމުން މީހާ ދުރުކޮށްދޭ މޭވާއެކެވެ.އަދި މީގެ އިތުރުން ބަރުދަން ލުއިކުރުމަށްވެސް ޑްރެގަން ފުރުޓް އެހީތެރިވެދެއެވެ.މި މޭވާއަކީ ކެލަރީ މަދުވެފައި ފައިބަރު ގިނަ އެއްޗެކެވެ.
ޑްރެގަން ފުރުޓަކީ ގިނަ އަދަދެއްގެ ޕްރިބައޮޓިކް ތަކުން ފައްކާވެފައިވާ މޭވާއެކެވެ.އެހެނަކަމުން ބަނޑުގައި އިންފެކްޝަން އެފެދި ބޭރަށް ހިންގުން ފަދަ ބަލިތަކުން މި މޭވާ ބޭނުންކުރުމުން ހައްލު ގެނެސްދެއެވެ.އެގޮތުން ދިފައީ ނިޒާމް ދެރަމީހުންވެސް ޑްރެގަން ފުރުޓަކީ ބޭނުންކުރަން ވަރަށް ރަނގަޅު މޭވާއެކެވެ.އަދި ތަފާތު އިންފެކްޝަންތަކާއި ވައިޓް ބްލަޑް ސެލް ހިމާޔަތްވެ ދިފައީ ނިޒާމު ވަރުގަދަކޮށް ދިނުމަކީވެސް މި މޭވާ ބޭނުންކުރާނަމަ ލިބޭ ފައިދާތަކެކެވެ.އަދި މީގެ އިތުރުން ހަށިގަނޑުގައި ދަގަނޑުގެ ބައި މަދު މީހުންނަށްވެސް ޑްރެގަން ފުރުޓަކީ ބޭނުންކުރަން ވަރަށް ވެސް އެދެވިގެންވާ މޭވާއެކެވެ.މި މޭވާއަކީ ވިޓަމިން ސީ ވެސް މުއްސަނދިވެގެންވާ އެއްޗެކެވެ.
ޑްރެގަން ފުޜުޓަކީ މިހާ ހަށިގަނޑަށް މުހިއްމު މޭވާއަކަށްވާއިރު މިހާރު މި މޭވާއަކީ ދިވެހި ރައްޖޭގެ ބާޒާރުތަކުންވެސް ގަންނަން ލިބޭ މޭވާއެކެވެ.
